qan

12 AZN

Təsviri:

Aşağı sıxlıqlı lipoproteidlər (LDL – Low Density Lipoprotein) xolesterini qaraciyərdən orqanizmin müxtəlif toxumalarına daşıyan lipoproteinlərdir. LDL "pis xolesterin" kimi tanınır, çünki onun yüksək səviyyəsi damar divarında xolesterinin toplanmasına, aterosklerotik lövhələrin əmələ gəlməsinə və ürək-damar xəstəliklərinin inkişaf riskinin artmasına səbəb ola bilər. LDL səviyyəsinin təyini lipid profilinin əsas göstəricilərindən biridir və ürək-damar riskinin qiymətləndirilməsində geniş istifadə olunur.

Analizin göstərişləri:

Ürək-damar xəstəlikləri riskinin qiymətləndirilməsi
Ateroskleroz şübhəsi
Dislipidemiyanın diaqnostikası
Arterial hipertenziyanın qiymətləndirilməsi
Şəkərli diabeti olan pasiyentlərin müayinəsi
Piylənmə və metabolik sindromun qiymətləndirilməsi
Lipidsalıcı müalicənin effektivliyinin izlənməsi
Profilaktik tibbi müayinələr

Verilmə qaydaları:

Analiz səhər saatlarında, 8–12 saat acqarına verilməsi tövsiyə olunur.
Analizdən 24 saat əvvəl spirtli içkilərdən uzaq durmaq lazımdır.
Analizdən əvvəlki gün yağlı və çox kalorili qidaların qəbulunu məhdudlaşdırmaq tövsiyə olunur.
Analizdən əvvəl ağır fiziki fəaliyyət və emosional stressdən uzaq durmaq məsləhətdir.
Lipid mübadiləsinə təsir göstərə bilən dərmanlar barədə həkimə məlumat verilməlidir.
Qan götürülməzdən əvvəl 10–15 dəqiqə sakit vəziyyətdə istirahət etmək tövsiyə olunur.