qan

12 AZN

Təsviri:

Yüksək sıxlıqlı lipoproteidlər (HDL-xolesterin) qanda xolesterini toxumalardan və damar divarlarından qaraciyərə daşıyan lipoproteinlərdir. Buna görə HDL "yaxşı xolesterin" kimi tanınır. Qaraciyərdə xolesterin parçalanır və ya öd vasitəsilə orqanizmdən xaric edilir.

HDL səviyyəsinin yüksək olması ürək-damar xəstəlikləri riskinin azalması ilə əlaqələndirilir, aşağı səviyyəsi isə ateroskleroz, infarkt və insult riskini artıra bilər. HDL analizi lipid profilinin əsas komponentlərindən biridir.

Analizin göstərişləri:

Ürək-damar xəstəlikləri riskinin qiymətləndirilməsi
Aterosklerozun diaqnostikası və profilaktikası
Lipid mübadiləsinin qiymətləndirilməsi
Şəkərli diabet və metabolik sindromun monitorinqi
Piylənmə və dislipidemiyanın diaqnostikası
Lipidsalıcı müalicənin (statinlər və s.) effektivliyinin izlənməsi
Profilaktik tibbi müayinələr

Verilmə qaydaları:

Analiz üçün venoz qan nümunəsi götürülür.
Analiz 8–12 saat acqarına verilməsi tövsiyə olunur. Bu müddətdə yalnız su içmək olar.
Analizdən 24 saat əvvəl yağlı qidalar, spirtli içkilər və ağır fiziki fəaliyyətdən uzaq durmaq məsləhətdir.
Qan götürülməzdən əvvəl 10–15 dəqiqə sakit vəziyyətdə istirahət etmək tövsiyə olunur.
Lipid səviyyəsinə təsir edə bilən preparatlar (statinlər, fibratlar, kortikosteroidlər, oral kontraseptivlər və s.) qəbul edilirsə, bu barədə həkimə və laboratoriyaya məlumat verilməlidir.
Kəskin infeksiya, əməliyyat və ya ağır travmadan dərhal sonra analiz aparılması tövsiyə edilmir, çünki nəticələr müvəqqəti dəyişə bilər.
Analizin nəticələri ümumi xolesterin, LDL-xolesterin, triqliseridlər, qeyri-HDL xolesterin, qlükoza, qlikohemoqlobin (HbA1c) və digər klinik göstəricilərlə birlikdə qiymətləndirilməlidir.