qan

12 AZN

Təsviri:

Ümumi xolesterin orqanizmdə hüceyrə membranlarının, steroid hormonlarının, öd turşularının və D vitamininin sintezi üçün vacib olan yağabənzər maddədir. Xolesterinin əsas hissəsi qaraciyərdə sintez olunur, qalan hissəsi isə qida ilə qəbul edilir.

Ümumi xolesterin analizi lipid profilinin əsas göstəricilərindən biridir və ürək-damar xəstəlikləri, ateroskleroz, infarkt və insult riskinin qiymətləndirilməsi üçün istifadə olunur. Təkcə ümumi xolesterin deyil, LDL, HDL və triqliseridlər də birlikdə qiymətləndirilməlidir.

Analizin göstərişləri:

Ürək-damar xəstəlikləri riskinin qiymətləndirilməsi
Aterosklerozun diaqnostikası və profilaktikası
Dislipidemiyanın (lipid mübadiləsi pozğunluğunun) aşkarlanması
Şəkərli diabet və metabolik sindromun monitorinqi
Qaraciyər və böyrək xəstəliklərinin kompleks qiymətləndirilməsi
Lipidsalıcı müalicənin (statinlər və s.) effektivliyinin izlənməsi
Profilaktik tibbi müayinələr

Verilmə qaydaları:

Analiz üçün venoz qan nümunəsi götürülür.
Analiz 8–12 saat acqarına verilməsi tövsiyə olunur. Bu müddətdə yalnız su içmək olar.
Analizdən 24 saat əvvəl yağlı qidalar, spirtli içkilər və ağır fiziki fəaliyyətdən uzaq durmaq məsləhətdir.
Qan götürülməzdən əvvəl 10–15 dəqiqə sakit vəziyyətdə istirahət etmək tövsiyə olunur.
Lipid səviyyəsinə təsir edə bilən preparatlar (statinlər, fibratlar, kortikosteroidlər, oral kontraseptivlər və s.) qəbul edilirsə, bu barədə həkimə və laboratoriyaya məlumat verilməlidir.
Kəskin infeksiya, əməliyyat və ya ağır travmadan dərhal sonra analiz aparılması tövsiyə edilmir, çünki nəticələr müvəqqəti dəyişə bilər.
Analizin nəticələri HDL-xolesterin, LDL-xolesterin, triqliseridlər, qeyri-HDL xolesterin, qlükoza, qlikohemoqlobin (HbA1c) və digər klinik göstəricilərlə birlikdə qiymətləndirilməlidir.