qan

11 AZN

Təsviri:

Kreatinin əzələlərdə kreatin fosfatın parçalanması nəticəsində əmələ gələn maddədir və əsasən böyrəklər vasitəsilə orqanizmdən xaric olunur. Qanda kreatinin səviyyəsinin təyini böyrəklərin filtrasiya qabiliyyətini (glomerulyar filtrasiya sürəti – GFS) qiymətləndirmək üçün istifadə olunan əsas laborator göstəricilərdən biridir. Analiz kəskin və xroniki böyrək xəstəliklərinin diaqnostikası, monitorinqi və müalicəsinin qiymətləndirilməsində mühüm əhəmiyyət daşıyır.

Analizin göstərişləri:

Böyrək funksiyasının qiymətləndirilməsi
Kəskin və xroniki böyrək xəstəliklərinin diaqnostikası
Qlomerulyar filtrasiya sürətinin (GFS) hesablanması
Arterial hipertenziya və şəkərli diabet zamanı böyrək funksiyasının monitorinqi
Nefrotoksik dərmanlarla müalicənin izlənməsi
Böyrək çatışmazlığı şübhəsi
Profilaktik tibbi müayinələr

Verilmə qaydaları:

Analiz səhər saatlarında, 8–12 saat acqarına verilməsi tövsiyə olunur.
Analizdən 24 saat əvvəl ağır fiziki fəaliyyət, intensiv idman və spirtli içkilərdən uzaq durmaq məsləhətdir.
Analizdən əvvəl çox miqdarda ət və yüksək zülallı qidaların qəbulundan çəkinmək tövsiyə olunur.
Kreatin əlavələri və böyrək funksiyasına təsir edə bilən dərmanlar qəbul edilirsə, bu barədə həkimə və laboratoriyaya məlumat verilməlidir.
Qan götürülməzdən əvvəl 10–15 dəqiqə sakit vəziyyətdə istirahət etmək tövsiyə olunur.