qan

25 AZN

Təsviri:

Antinuklear anticismlər (ANA-Screen) orqanizmin öz hüceyrələrinin nüvə komponentlərinə qarşı yaratdığı autoanticisimlərin skrininq müayinəsidir. Bu analiz sistem autoimmun xəstəliklərinin ilkin diaqnostikasında istifadə olunur. ANA testinin müsbət nəticəsi autoimmun xəstəliyin mövcudluğunu göstərə bilər, lakin diaqnozun təsdiqi üçün əlavə laborator və klinik müayinələr tələb olunur.

Analizin göstərişləri:

Sistem qırmızı qurdeşənəyi (SLE) şübhəsi
Sjögren sindromu şübhəsi
Sistem skleroz (skleroderma) şübhəsi
Polimiozit və ya Dermatomiozit şübhəsi
Qarışıq birləşdirici toxuma xəstəliyinin diaqnostikası
Səbəbi bilinməyən oynaq ağrıları, dəri səpgiləri və uzunmüddətli yorğunluğun araşdırılması
Digər autoimmun xəstəliklərin differensial diaqnostikası

Verilmə qaydaları:

Analiz günün istənilən vaxtında verilə bilər, xüsusi aclıq tələb olunmur.
Analizdən əvvəl ağır fiziki fəaliyyət, emosional stress və spirtli içkilərdən uzaq durmaq tövsiyə olunur.
Qan götürülməzdən əvvəl 10–15 dəqiqə sakit vəziyyətdə istirahət etmək məsləhətdir.
İmmunosupressiv və digər dərmanlar nəticələrə təsir göstərə biləcəyindən, onların qəbulu barədə həkimə məlumat verilməlidir.
Analizin nəticələri klinik əlamətlər və digər laborator müayinələrin nəticələri ilə birlikdə qiymətləndirilməlidir.