onurğa-beyin mayesi

13 AZN

Təsviri:

Laktatın onurğa-beyin mayesində (BOS) təyini mərkəzi sinir sisteminin infeksion və metabolik xəstəliklərinin diaqnostikasında istifadə olunur. BOS-da laktat səviyyəsinin yüksəlməsi xüsusilə bakterial meningit, beyin hipoksiyası, serebral işemiya və bəzi mitoxondrial xəstəliklər zamanı müşahidə olunur. Bu analiz bakterial və virus mənşəli meningitin differensial diaqnostikasında köməkçi əhəmiyyət daşıyır və digər BOS göstəriciləri ilə birlikdə qiymətləndirilir.

Analizin göstərişləri:

Bakterial meningit şübhəsi
Virus və bakterial meningitin differensial diaqnostikası
Ensefalit və digər mərkəzi sinir sistemi infeksiyalarının qiymətləndirilməsi
Beyin hipoksiyası və serebral işemiya şübhəsi
Mitoxondrial və metabolik xəstəliklərin araşdırılması
Neyrocərrahi əməliyyatlardan sonra infeksiyanın qiymətləndirilməsi
Onurğa-beyin mayesinin kompleks laborator müayinəsi

Verilmə qaydaları:

Analiz üçün onurğa-beyin mayəsi (BOS) lumbal punksiya vasitəsilə həkim tərəfindən steril şəraitdə götürülür.
Xüsusi aclıq tələb olunmur, lakin həkimin göstərişlərinə əməl edilməlidir.
Analizdən əvvəl qəbul edilən bütün dərmanlar barədə həkimə və laboratoriyaya məlumat verilməlidir.
Nümunə götürüldükdən sonra mümkün qədər qısa müddətdə laboratoriyaya çatdırılmalı və analiz edilməlidir.
Analizin nəticələri BOS-un digər göstəriciləri (hüceyrə sayı, zülal, qlükoza, mikrobioloji və molekulyar müayinələr) və klinik əlamətlərlə birlikdə qiymətləndirilməlidir.