qan

8 AZN

Təsviri:

Hemoqlobin (Hb) eritrositlərin (qırmızı qan hüceyrələrinin) tərkibində olan, oksigeni ağciyərlərdən toxumalara, karbon qazını isə toxumalardan ağciyərlərə daşıyan zülaldır. Hemoqlobin səviyyəsinin təyini ümumi qan analizinin əsas göstəricilərindən biridir və anemiyaların, polisitemiyanın, qan itkisinin və müxtəlif qan xəstəliklərinin diaqnostikası və monitorinqi üçün istifadə olunur.

Analizin göstərişləri:

Anemiya şübhəsi
Ümumi zəiflik, halsızlıq və başgicəllənmənin araşdırılması
Kəskin və xroniki qan itkilərinin qiymətləndirilməsi
Polisitemiya şübhəsi
Profilaktik tibbi müayinələr
Hamiləlik zamanı nəzarət
Qan xəstəliklərinin diaqnostikası və müalicəsinin monitorinqi

Verilmə qaydaları:

Analiz səhər saatlarında verilməsi tövsiyə olunur.
Xüsusi aclıq tələb olunmur, lakin 8–12 saat acqarına verilməsi məsləhətdir.
Analizdən 24 saat əvvəl ağır fiziki fəaliyyət, emosional stress və spirtli içkilərdən uzaq durmaq tövsiyə olunur.
Qan götürülməzdən əvvəl 10–15 dəqiqə sakit vəziyyətdə istirahət etmək məsləhətdir.
Hemoqlobin səviyyəsinə təsir göstərə bilən dərmanlar və yaxın zamanda keçirilmiş qan köçürülməsi barədə həkimə və laboratoriyaya məlumat verilməlidir.