qan

25 AZN

Təsviri:

Vitamin B9 (Fol turşusu, Folat) DNT və RNT sintezində, hüceyrələrin bölünməsində, eritrositlərin (qırmızı qan hüceyrələrinin) yaranmasında və normal döl inkişafında mühüm rol oynayan suda həll olan vitamindir. Fol turşusu çatışmazlığı meqaloblastik anemiya, yorğunluq, zəiflik və hamiləlik zamanı dölün sinir borusu qüsurları riskinin artması ilə əlaqələndirilir.

Bu analiz orqanizmdə folat səviyyəsini qiymətləndirmək, çatışmazlığı aşkar etmək və müalicənin effektivliyini izləmək üçün istifadə olunur.

Analizin göstərişləri:

Meqaloblastik anemiya şübhəsi
Fol turşusu çatışmazlığının diaqnostikası
Hamiləliyin planlaşdırılması və hamiləlik dövründə folat səviyyəsinin qiymətləndirilməsi
Mədə-bağırsaq sorulma pozğunluqlarının araşdırılması
Xroniki yorğunluq və zəiflik
Qidalanma pozğunluqlarının qiymətləndirilməsi
Fol turşusu müalicəsinin effektivliyinin monitorinqi

Verilmə qaydaları:

Analiz üçün venoz qan nümunəsi götürülür.
Analiz səhər saatlarında və 8–12 saat acqarına verilməsi tövsiyə olunur.
Analizdən 24 saat əvvəl ağır fiziki fəaliyyət, emosional stress və spirtli içkilərdən uzaq durmaq məsləhətdir.
Fol turşusu tərkibli preparatlar, multivitaminlər və ya digər qida əlavələri qəbul edilirsə, bu barədə həkimə və laboratoriyaya məlumat verilməlidir. Preparatlar yalnız həkimin göstərişi ilə dayandırılmalıdır.
Qan götürülməzdən əvvəl 10–15 dəqiqə sakit vəziyyətdə istirahət etmək tövsiyə olunur.
Analizin nəticələri Vitamin B12, qanın ümumi analizi, homosistein, lazım gəldikdə ferritin və digər klinik-laborator göstəricilərlə birlikdə qiymətləndirilməlidir.