qan

23 AZN

Təsviri:

Vitamin B12 (Kobalamin) DNT sintezində, eritrositlərin (qırmızı qan hüceyrələrinin) yaranmasında, sinir sisteminin normal fəaliyyətində və hüceyrə metabolizmində mühüm rol oynayan suda həll olan vitamindir. Vitamin B12 çatışmazlığı meqaloblastik anemiya, sinir sistemi pozğunluqları, əl və ayaqlarda keyimə, yaddaş problemləri və ümumi zəifliyə səbəb ola bilər.

Bu analiz orqanizmdə Vitamin B12 səviyyəsini qiymətləndirmək, çatışmazlıq və ya nadir hallarda yüksək səviyyənin səbəblərini araşdırmaq üçün istifadə olunur.

Analizin göstərişləri:

Meqaloblastik anemiya şübhəsi
Əl və ayaqlarda keyimə, qarışqa gəzməsi hissi
Yaddaş zəifləməsi və digər nevroloji əlamətlər
Xroniki yorğunluq və ümumi zəiflik
Veqan və ya vegetarian qidalanan şəxslərin qiymətləndirilməsi
Mədə-bağırsaq xəstəliklərində sorulma pozğunluqlarının araşdırılması
Vitamin B12 müalicəsinin effektivliyinin monitorinqi

Verilmə qaydaları:

Analiz üçün venoz qan nümunəsi götürülür.
Analiz səhər saatlarında və 8–12 saat acqarına verilməsi tövsiyə olunur.
Analizdən 24 saat əvvəl ağır fiziki fəaliyyət, emosional stress və spirtli içkilərdən uzaq durmaq məsləhətdir.
Vitamin B12 tərkibli preparatlar, multivitaminlər və ya inyeksiyalar qəbul edilirsə, bu barədə həkimə və laboratoriyaya məlumat verilməlidir. Müalicənin dayandırılması yalnız həkimin göstərişi ilə aparılmalıdır.
Qan götürülməzdən əvvəl 10–15 dəqiqə sakit vəziyyətdə istirahət etmək tövsiyə olunur.
Analizin nəticələri fol turşusu (Vitamin B9), qanın ümumi analizi, homosistein, metilmalon turşusu (MMA) və digər klinik-laborator göstəricilərlə birlikdə qiymətləndirilməlidir.