qan

65 AZN

Təsviri:

Homosistein metionin amin turşusunun mübadiləsi zamanı əmələ gələn amin turşusudur. Qanda homosisteinin səviyyəsinin yüksəlməsi ürək-damar xəstəlikləri, insult, tromboz, ateroskleroz və bəzi hamiləlik ağırlaşmaları üçün risk faktoru hesab olunur. Analiz həmçinin B6, B12 vitaminləri və fol turşusu çatışmazlığının qiymətləndirilməsində, eləcə də irsi metabolik pozğunluqların diaqnostikasında istifadə olunur.

Analizin göstərişləri:

Ürək-damar xəstəlikləri riskinin qiymətləndirilməsi
Venoz və arterial tromboz şübhəsi
Ateroskleroz və insult riskinin qiymətləndirilməsi
Təkrarlayan hamiləlik itkiləri və hamiləlik ağırlaşmalarının araşdırılması
Fol turşusu, B6 və B12 vitamini çatışmazlığının qiymətləndirilməsi
İrsi homosistinuriya şübhəsi
Trombofiliyanın kompleks diaqnostikası

Verilmə qaydaları:

Analiz səhər saatlarında, 8–12 saat acqarına verilməsi tövsiyə olunur.
Analizdən 24 saat əvvəl ağır fiziki fəaliyyət, emosional stress və spirtli içkilərdən uzaq durmaq məsləhətdir.
Analizdən əvvəlki gün qəhvə və kofeinli içkilərin həddindən artıq qəbulundan çəkinmək tövsiyə olunur.
Fol turşusu, B6 və B12 vitamini tərkibli preparatlar qəbul edilirsə, bu barədə həkimə və laboratoriyaya məlumat verilməlidir.
Qan götürülməzdən əvvəl 10–15 dəqiqə sakit vəziyyətdə istirahət etmək məsləhətdir.