qan

23 AZN

Təsviri:

Progesteron yumurtalıqlarda sarı cisim (corpus luteum), hamiləlik dövründə isə əsasən plasenta tərəfindən sintez olunan steroid hormondur. O, menstrual siklin tənzimlənməsində, mayalanmış yumurtanın uşaqlıq divarına implantasiyasında və hamiləliyin qorunmasında mühüm rol oynayır. Kişilərdə və böyrəküstü vəzilərdə də az miqdarda sintez olunur. Progesteron analizi ovulyasiyanın qiymətləndirilməsi, sonsuzluğun səbəblərinin araşdırılması, menstrual pozğunluqların və hamiləliyin gedişatının qiymətləndirilməsi üçün istifadə olunur.

Analizin göstərişləri:

Ovulyasiyanın baş verib-vermədiyinin qiymətləndirilməsi
Sonsuzluğun səbəblərinin araşdırılması
Menstrual sikl pozğunluqları
Erkən hamiləliyin və hamiləliyin gedişatının qiymətləndirilməsi
Təkrarlayan düşük riskinin araşdırılması
Sarı cisim funksiyasının qiymətləndirilməsi
Hormonal pozğunluqların kompleks diaqnostikası

Verilmə qaydaları:

Analiz üçün venoz qan nümunəsi götürülür.
Analiz səhər saatlarında verilməsi tövsiyə olunur.
8–12 saat acqarına olmaq məsləhətdir.
Analizdən 24 saat əvvəl ağır fiziki fəaliyyət, emosional stress və spirtli içkilərdən uzaq durmaq tövsiyə olunur.
Hormonal preparatlar, o cümlədən progesteron tərkibli dərmanlar qəbul edilirsə, bu barədə həkimə və laboratoriyaya məlumat verilməlidir.
Menstrual sikli olan qadınlarda analiz adətən 28 günlük siklin 21–23-cü günlərində (və ya ovulyasiyadan təxminən 7 gün sonra) verilir. Siklin müddəti fərqlidirsə, analiz günü həkim tərəfindən müəyyən edilir.
Qan götürülməzdən əvvəl 10–15 dəqiqə sakit vəziyyətdə istirahət etmək tövsiyə olunur.
Analizin nəticələri FSH, LH, estradiol, prolaktin, β-hCG (hamiləlik zamanı) və digər hormonal göstəricilərlə birlikdə qiymətləndirilməlidir.