qan

25 AZN

Təsviri:

D-dimer fibrin laxtasının parçalanması nəticəsində əmələ gələn zülal fraqmentidir. Onun qanda səviyyəsinin yüksəlməsi orqanizmdə laxtalanma və fibrinoliz prosesinin aktivləşdiyini göstərir. D-dimer analizi dərin venaların trombozu, ağciyər arteriyasının tromboemboliyası, disseminə olunmuş damardaxili laxtalanma (DİK) sindromu və digər tromboembolik vəziyyətlərin diaqnostikasında və qiymətləndirilməsində istifadə olunur.

Analizin göstərişləri:

Dərin venaların trombozu şübhəsi
Ağciyər arteriyasının tromboemboliyası şübhəsi
Disseminə olunmuş damardaxili laxtalanma (DİK) sindromunun qiymətləndirilməsi
Tromboembolik xəstəliklərin diaqnostikası
Hamiləlik zamanı tromboz riskinin qiymətləndirilməsi (həkim göstərişi ilə)
Antikoaqulyant müalicənin monitorinqi
Əməliyyatlardan və travmalardan sonra tromboz riskinin qiymətləndirilməsi

Verilmə qaydaları:

Analiz günün istənilən vaxtında verilə bilər, xüsusi aclıq tələb olunmur.
Analizdən əvvəl ağır fiziki fəaliyyət və emosional stressdən uzaq durmaq tövsiyə olunur.
Qan götürülməzdən əvvəl 10–15 dəqiqə sakit vəziyyətdə istirahət etmək məsləhətdir.
Antikoaqulyant preparatlar və digər dərmanlar qəbul edilirsə, bu barədə həkimə və laboratoriyaya məlumat verilməlidir.
Analizin nəticələri pasiyentin klinik vəziyyəti və digər laborator-instrumental müayinələrin nəticələri ilə birlikdə qiymətləndirilməlidir.